Video: બમબમ ભોલે.. શિવરાતના દિવસે જૂનાગઢમાં ભવનાથમાં ઉભરાય છે માનવ મહેરામણ


Video: બમબમ ભોલે.. શિવરાતના દિવસે જૂનાગઢમાં ભવનાથમાં ઉભરાય છે માનવ મહેરામણ

- જાણો ભવનાથ મંદિર વિશે કેટલીક વિશેષ વાતો


અમદાવાદ, તા. 13 ફેબ્રુઆરી 2018, મંગળવાર

આજે ભગવાન ભોળાનાથનો દિવસ છે. મહાશિવરાત્રી નિમિત્તે ઠેરઠેર મેળા ભરાય અને માનવમહેરામણ ઉભરાય પણ જૂનાગઢના ભવનાથની વાત જ કંઈક જૂદી છે.

સૌરાષ્ટ્રના જૂનાગઢ ખાતે ગરવા ગીરનારની તળેટીમાં આવેલ ભવનાથ મંદિરે દર વર્ષે મહાશિવરાત્રીના મેળામાં દેશ-વિદેશથી લાખો લોકો આવે છે. આ મેળો જે પાવન મંદિરના સાનિધ્યમાં યોજાય છે તે ભવનાથ મહાદેવનું મંદિર અન્ય શિવ મંદિરો કરતા કેટલીક બાબતે અલગ પડે છે.

આ શિવ મંદિરની 6 વિશેષતાઓ છે. જેમાં મંદિરનો ઈતિહાસ કહે છે કે એક વખત શિવજી કૈલાસમાંથી ગિરનાર ક્ષેત્રમાં આવ્યા અને સ્થળ પસંદ પડતા તપ કરવા બેસી ગયા હતા તે આ સ્થળ છે.

ધ્યાન મગ્ન શિવજીને વર્ષો વિતી જતા પાર્વતીજી કૈલાશ પર એકલા એકલા અકળાઈ ગયા. તેથી શિવજીને શોધવા માટે તેમણે નારદજીને મોકલ્યા. નારદે પરત આવીને શિવજી ગિરનારમાં હોવાનું જણવતા માં પાર્વતી પણ અહીં આવ્યા અને તપ કર્યું. ત્યારે શિવજી પ્રગટ થયાને પાર્વતીજીનું શિવજી સાથે મિલન થયું હતું.

શિવ મંદિરમાં ગૌ મૂખી જમણી બાજુ હોય છે. જ્યારે આ મંદિરમાં ડાબી બાજુ ગૌ મૂખી છે. આ શિવલીંગ સ્વયંભૂ થયું હોવાનું માનવામાં આવે છે. સામાન્ય રીતે શિવ મંદિરમાં શિવલીંગ ફરતેનું ગોળ થાળું હોય છે. જ્યારે અહીં ચોરસ થાળું છે.

ભવનાથ મંદિરમાં આવેલ શિવલીંગને શ્રૃંગાર વગર જ્યારે એકદમ ધ્યાનથી જોવામાં તો તેમાં ઓમ આકારની પ્રતિકૃતિ જોવા મળે છે.
ભવનાથ મંદિરમાં બે શિવલીંગ છે. નાનું શિવલીંગ સ્વયંભૂ પ્રગટ થયેલ છે. જયારે મોટા શિવલીંગની સ્થાપના મહાભારતકાળમાં અશ્વસ્થામાએ કરેલ હોવાની ઐતિહાસિક કથની મળે છે.

દ્રોણાચાર્યના પૂત્ર અશ્વસ્થામાએ મહાભારતના યુદ્ધમાં જીત મેળવવા આ જગ્યામાં શિવલીંગની સ્થાપના કરી તપશ્વર્યા કરી હતી. મહાભારતના યુદ્ધનો ગાળો આશરે 5000 વર્ષ પહેલાનો માનવામાં આવી રહ્યો છે. તેથી આ જગ્યા પણ 5000 વર્ષ જૂની હોવાનું માનવામાં આવી રહ્યું છે.

ભવનાથ મહાદેવ ભારતભરના સાધુ સમાજના આરાધ્ય દેવ ગણાય છે. માટે દરેક સંપ્રદાયના સાધુઓ વર્ષમાં એક વખત તો ભવનાથ મહાદેવને શિશ નમાવવા આવે જ છે.

More Stories:-


Post Your Comment