દાઉદ તો શું દાઉદના નોકરને ય નહી પકડી શકો : ફારૂખ ટકલા


દાઉદ તો શું દાઉદના નોકરને ય નહી પકડી શકો : ફારૂખ ટકલા

- CBIની પૂછપરછમાં ફારૂખ ટકલાએ મોટા ખુલાસા કર્યા

- પાક. પર દબાણ આવતા જ દાઉદને અંડા આઈલેન્ડના સેફ હાઉસમાં મોકલી દેવાય છે


મુંબઈ, તા. 13 માર્ચ 2018 મંગળવાર

અંડરવર્લ્ડ ડૉન દાઉદ ઈબ્રાહીમનો મિત્ર રહી ચૂકેલો ફારૂક ટકલાએ CBIની પૂછપરછમાં મોટા ખુલાસા કર્યા છે. ફારૂક ટકલાએ જણાવ્યુ કે દાઉદ અત્યારે પણ પાકિસ્તાનમાં છે. પાકિસ્તાનના જૂઠને બેનકાબ કરતા ફારૂખ ટકલાએ જણાવ્યુ કે પાકિસ્તાની રેન્જર્સ દાઉદ ઈબ્રાહીમના ઘરની સુરક્ષા કરે છે.

1993 મુંબઈ સિરિયલ બ્લાસ્ટમાં આરોપી ફારૂખ ટકલાએ જણાવ્યુ કે જ્યારે પણ પાકિસ્તાન પર ભારત અથવા આંતરાષ્ટ્રીય દબાણ બને છે ત્યારે દાઉદ ઈબ્રાહીમને સિંધના અંડા આઈલેન્ડના સેફ હાઉસમાં મોકલી દેવાય છે. સેફ હાઉસમાં કોસ્ટ ગાર્ડસ દાઉદની સુરક્ષામાં તૈનાત રહે છે.

પાકિસ્તાન દાઉદને દુનિયાના નેતાઓની નજરોથી બચાવીને રાખે છે. પરિસ્થિતિ સામાન્ય થવા પર દાઉદ બીજીવાર પાકિસ્તાનમાં આવેલ પોતાના ઘરે આવી જાય છે. પાક. સેના અથવા સરકારના લોકોએ જ્યારે પણ દાઉદ સાથે વાત કરવી પડે છે તો તે સેટેલાઈટ ફોનનો પ્રયોગ કરે છે.

દાઉદ બિન્દાસરીતે પાકિસ્તાનમાં બેસીને પોતાનો ધંધો ચલાવી રહ્યો છે. પાકિસ્તાન સરકાર દાઉદને સમગ્રરીતે સુરક્ષા આપી રહી છે. ભારત સરકાર કેટલીય વાર દાઉદને પાકિસ્તાનમાં છુપાયા હોવાના પુરાવા ત્યાંની સરકારને આપી ચૂકી છે. પરંતુ તે વારંવાર ખોટુ બોલે છે.

More Stories:-


Post Your Comment